أشكال مختلفة لجدران متعددة

#1 11-22-2011, 04:27 AM

السلام عليكم و رحمة الله

..

بتكلم اليوم عن الـ backsplash

..

اللي هي خلفية الفرن في الصوره السابقه ..

الباكسبلاش هي المنطقه اللي يكون عادة خلفية الفرن او المغسله ..
مش محكورة عالمطبخ لا ممكن تنحط كمان عند مغلسه الحمام الله يكرمكم

..

طبعا الهدف منها معروف اللي هو سهولة التنظيف في المطبخ ..
لان وسخ زيت الطبخ ياثر في بويه الجدار او ورق الجدران
و عشان كذا كان الباكسبلاش اللي عاده يكون بلاط هو الحل الامثل ..
ومافي مطبخ جدارانه بويه او ورق جدران عندنا

..
الا طبعا الاجانب يحطون نص كذا وكذا ..
يعني مكان المطبخ يكون فيه باكسبلاش والوجه الثاني للمطبخ على مزاجهم

واساسا ماعندهم طبخ زي طبخنا

..

طبعا الباكسبلاش يعتبر شي ديكوري في المطبخ

واختياره يبغاله دقة وتفكير مش خبط لزق ..
لانه برضو ياثر في توسيع وتصغير المطبخ ..
وكمان اختيار الباكسبلاش يحدده ستايل المطبخ ..
يعني مثلا عندك اذا كان المطبخ مودرن يجي معاه الباكسبلاش
على شكل بلاطات ساده لامعه .. لكن ماتجي مع المطبخ الكلاسيك

اختبار تناسق اللونين بين الباكسبلاش و الدواليب يرتبط
بذوق صاحبة المطبخ

اذا حابه مطبخها هادي يصير تختارهم كلهم لون واحد ..
حابه مطبخها منعش نشيط تنسق بينهم بالوان منتناسقه ..
راجع لها الموضوع

..

بلاطات درجات لون النعناع

جميل جدا ومنسقين معاه الزجاجات و الفوطه كمان

المربع اللي فوق الفرن خرب المنظر ..
بلاطات على شكل طوب مره حلوه

هذا لطيف مره .. ومعطي المطبخ المودرن حيوية

هنا تنسيق رائع ..
توازن الابيض و الرمادي خطير

اختيارهم انهم يحطون قطعه فوق الفرن ممزوجة
بين الابيض و الرمادي .. اختيار مدروس

مره لامع

بس حبيت درجته ..

فعلا الباكسبلاش فن من فنون المطبخ ..
هنا خطير مره المنقط